මම දියවෙන්නං...

නෑ...

මම මොකවත් කියන්නෙ නෑ...

ම්ං දිහා ඔහොම බැලුවට

මම මොකවත් කියන්නෙ නෑ...

ඕනි න්ං මම නොදැක්කා වගේ ඉන්න්ං.

.ඔය ඇස් ඇතුළේ කැකෑරෙන නුරාවෙන්

මගේ ආත්මය දිය වෙලා යයි...

මම බාල උණාට,

ඔබ වැඩි මහල් උණාට,

ප්‍රශ්නයක් නෑ...

අපේ හැගීම් බොහොම ප්‍රබලයි,උද්වේගකරයි...

නෑ... කමක් නෑ,ලෝකෙ එවුන් මොනව කියුවත්...

වැඩිම උණොත් අපි ලෝකෙට පවුකාරයෝ වෙයි,

උන් අපිට ගල් ගහලා මරල දාන්ඩ හදයි...

එත්කොට මම උන්ට කියනවා

"කිසිම පවක් නොකරපු එකෙක්

පළමු ගල් පහර ගහපල්ලා කියලා..."

එතකොට උන් හැරිලා යන්ඩ යයි

මොකද උන් හරිම අවංකයි...

අපි හවසට මූදු වෙරළේ හම්බවෙමු,

මම ගිටාරෙක ගහන්නං

ඔයා සින්දුවක් කියන්න...

ඊට පස්සෙ

මූදු හුළං උර උර විස්කි එකක් හිස් කරමු...

රත්තරං පාට ඉර

මූදු පත්ළෙ ගිලෙන රොමැන්ටික් හැන්දෑවෙදි...

ම්ං ඔබේ ආත්මයෙ,ඔබේ ශරීරයෙ

දියවෙලා යන්නං...